top of page
  • 作家相片HAHAHA

撩妹語錄(十)(廣東話版)

已更新:2023年8月16日

手撩妹語錄廣東話版將會強勢回歸,大家快啲埋嚟睇啦!好尷尬?好難頂?撩妹呢啲野你唔怕尷尬就贏架啦!


好多香港人第一次約心儀對象出街果陣都會搵定一啲笑話或者撩妹語錄,諗住到時講下無咁悶又可以乘機flirt下對方。唔知你地又有冇發現網上好多嘅撩妹語錄好多都係用普通話或者同香港本地嘅文化差好遠呢?

有嘅話我地就幫到你啦!我地為你準備左十句本地廣東話嘅撩妹語錄,方便追緊女仔嘅你之後用。

當然,唔會得十句咁少啦,我地會繼續為大家搵同製作更多。



91.

A:我近排記性差左

B:做咩事呀?

A:我發現我同你一齊就會唔記得時間。


92.

A:我近排鍾意左一個人!

B:跟住呢?

A:跟住佢問我跟住呢?

B:……


93.

B:你份人真係好差,成日害人!

A:你唔好亂講喎!我都冇害過你!

B:冇?你害我成日都咁掛住你!

A:噢!


94.

(女仔及情侶限定,否則可能違反香港法律!!!)

A:我變個魔術俾你睇下!

(隻手fing 兩fing之後再吹一下隻手,呼!再隻手放喺男仔個心口)

B:um……你變左啲咩?

A:我將自己個心變左俾你,令自己更鍾意你!


95.

A:有一本書我想寫但好耐都未寫。

B:係咩書呀?

A:我同你嘅結婚證書

B:…….


96.

A:我近排想買鎖,你有冇咩推介?

B:你想鎖啲咩先?

A:我想鎖住你個心!


97.

A:你要唔要幫我買份保險?

B:點解要幫你買呢?

A:因為可以保護對你嚟講好重要嘅嘢

B:乜嘢都得?

A:係呀!保乜都得!

B:咁保唔保到你陪我一輩子?


98.

A:知唔知最多生果賣嘅果欄係邊道?

B:油麻地囉!

A:咁你知唔知最幸福嘅地係邊道?

B:大笪地?

A:係我哋!

B:!?


99.

A:好多人都話我心胸好狹窄,但我覺得呢件係一件好事。

B:吓!點解咁樣都係好事?

A:因為我個心裝滿晒我同你嘅回憶


100.

A:你要唔要去睇吓眼科醫生?

B:點解呢?

A:咁要問你啦,點解我做咗咁多嘢你都睇唔出我鍾意你。



如果你認為此文章高質的話,馬上follow我們的IG, FB以及把我們的網頁加到我的最愛吧!你的like share and comment 對我們來說都是支持!


最新文章

查看全部

撩妹語錄(二十三)(廣東話版)

撩妹語錄廣東話版除左會放返呢23集之外,我哋仲會繼續創作集,希望大家繼續支持~好尷尬?好難頂?撩妹呢啲野你唔怕尷尬就贏架啦! 暑假啱啱過左唔知我哋嘅撩妹語錄有冇幫到你呢!如果未有嘅話唔緊要睇埋第23集嘅撩妹語錄,話唔定可以幫到你搵一段新嘅姻緣。 如果我哋之前嘅幫到你,咁嚟緊嘅第23集一定會更加幫到你!希望嚟緊嘅中秋節你哋可以用撩妹語錄去識女仔啦~ 撩妹語錄除咗用嚟溝女,更加可以增加情侶之間嘅情趣!

撩妹語錄(二十一)(廣東話版)

撩妹語錄廣東話版除左會放返之前果23集之外,我哋仲會繼續創作集,希望大家繼續支持~好尷尬?好難頂?撩妹呢啲野你唔怕尷尬就贏架啦! 暑假啱啱過左唔知我哋嘅撩妹語錄有冇幫到你呢!如果未有嘅話唔緊要睇埋第21集嘅撩妹語錄,話唔定可以幫到你搵一段新嘅姻緣。 如果我哋之前嘅幫到你,咁嚟緊嘅第21集一定會更加幫到你!希望嚟緊嘅中秋節你哋可以用撩妹語錄去識女仔啦~ 撩妹語錄除咗用嚟溝女,更加可以增加情侶之間嘅情

撩妹語錄(二十)(廣東話版)

撩妹語錄廣東話版除左會放返之前果23集之外,我哋仲會繼續創作集,希望大家繼續支持~好尷尬?好難頂?撩妹呢啲野你唔怕尷尬就贏架啦! 暑假啱啱過咗一半唔知我哋嘅撩妹語錄有冇幫到你呢!如果未有嘅話唔緊要睇埋第20集嘅撩妹語錄,話唔定可以幫到你搵一段新嘅姻緣。 如果我哋之前嘅幫到你,咁嚟緊嘅第19集一定會更加幫到你!希望嚟緊嘅中秋節你哋可以用撩妹語錄去識女仔啦~ 撩妹語錄除咗用嚟溝女,更加可以增加情侶之間

Bình luận


bottom of page